குங்பூ அடிப்படைகள்
குங்பூ என்னும் தற்காப்பு கலையில் தாக்குவதற்கோ, தடுபதற்க்கோ அல்லது எதிர் தாக்குதல் செய்வதற்க்கோ முதல் அடிப்படை நாம் நிற்கும் முறை அல்லது நிலை. இதை ஆங்கிலத்தில் Stance என்று குறிபிடுகிறார்கள்.
குங்பூவில் அடிபவரது திறம் முழுவதற்க்கும் அவர்களின் நிலையே ஆணிவேராக பயன்படுகிறது. இதை ஆங்கிலத்தில்
"The feet are the root of power" என்று குறிபிடுவார்கள்
இந்த நிலைகள் பல இருந்தாலும், அவைகளுக்கு அடிப்படையாக
ஐந்து நிலைகலை வைத்துள்ளனர். அவை
குதிரை நிலை (Horse Stance)
வில் நிலை (Bow Stance)
சாய்தல் நிலை (Sliding Stance)
பூனை நிலை (Cat Stance)
திருகல் நிலை (Twisting Stance)
இப்பொழுது முதல் நிலையான குதிரை நிலையை பற்றி பார்ப்போம்.
குதிரை நிலை என்பது குதிரை மேல் அமர்வது போல் இருபதினால் இதற்க்கு குதிரை நிலை என்று பெயர் வைத்தனர்.
இந்த குதிரை நிலைக்கு பயிர்ச்சியாளர் தனது இரு கால்களை ஒன்றரை அல்லது இரண்டு தோள்பட்டை அளவு அகலமாக வைத்து ஒரு மேசையின் மேல் அமர்வதை போல அமர வேண்டும்.
இந்த நிலையின் முக்கியமான அளவுகோல்களை பார்ப்போம்.
1) இரு பாதங்களும் ஒரே நேர்கோட்டில் இருக்க வேண்டும்.
2) இரு பாதங்களுக்கு இடையே ஒன்றரை தோள்பட்டை அல்லது அதற்கு சற்று அதிகமான அகலம் இருக்க வேண்டும்.
3) இரு கால்களின் விரல்கள் முன்னே நோக்கியவாறு இருக்க வேண்டும்.
4) கால்களின் பாதங்களும் முட்டிகளும் ஒரே நேர்கோட்டில் இருக்க வேண்டும்.
5) முட்டியும் இடுப்பிற்கு கீழே தொடை ஆரம்பிக்கும் இடமும் ஒரே நேர்கோட்டில் இருக்க வேண்டும்.
6) நமது தலையின் உச்சியும் முதுகுத்தண்டின் அடிபாகமும் ஒரே நேர்கோட்டில் இருக்க வேண்டும்.
மேல் சொன்ன அளவுகோல்களுடன் குறைந்தது ஒரு நிமிடமாவது குதிரை நிலையில் அமர வேண்டும்.
இந்த நிலையில் அமர்வதால் உடலில் ஏற்படும் நன்மைகள்.
1) மேம்படுத்தப்பட்ட நிலை :
பயிற்சியாளர் குதிரை நிலையில் அமரும்போது அவருடைய எடை சம அளவு இரு கால்களுக்கும் சென்றடைகின்றது. இந்த நிலையில் அவர்கள் முன்னால் அல்லது பின்னால் குனியாமலும், இடது அல்லது வலது பக்கம் சாயாமல் இருக்க கற்று கொள்கிறார்கள்.
நீண்ட நேரம் குதிரை நிலையில் அமர்வதால் பயிற்சியாளரின் இடுபிற்கு மேல் பாகம் சமநிலைப்படும் இந்த நிலையில் அவர்கள் ஓய்வெடுக்க முடியும்.
இந்த நிலையில் பயிற்சி மேற்கொள்வதால் நீண்ட நேரம் வெவ்வேறு நிலையில் அமர்வதால் வரும் தசை வலியை தவிர்க்கலாம்.
2) மேம்படுத்தப்பட்ட சமநிலை:
இந்த நிலையில் கீழாக அமர்வதால் கால்கள் மிகுந்த பலம் பெறுகின்றன இதனால் பயிற்சியாளர் அவரது எடையை சமநிலையில் வைத்துகொள்வார். யார் ஒருவர் அவரது எடையை சமநிலையில் வைத்திருப்பாரோ அவரை அடித்து வீழ்த்துவது என்பது மிக கடினமான செயல் ஆகும்.
3) கால்களின் வேகம் அதிகரிக்கும்:
மேல் கூறிய இரண்டும் இருந்தால் நமது எடையை எளிதாகவும் வேகமாகவும் நகர்த்த முடியும். இது நமது சண்டையில் வேகத்தையும் லாவகரமாக நகர்வதையும் எளிதாக்கும்.
4) இடுப்பை பலப்படுத்தும்:
குதிரை நிலையில் கீழாக அமர்வதால் நமது எடை இடுப்பெலும்பு ஒட்டியுள்ள தசைகளில் சமன்படுகிறது ஆதலால் இங்கிருக்கும் தசைகள் வலுபெருகின்றன. இது தன்னை அறியாமல் சிறுநீர் கழிப்பது மற்றும் ஆண்மை குறைவு போன்ற பிரச்சன்னைகளை சரிசெய்கின்றது.
5) வயிற்று உட்தசைகளை வலிமையாக்கும்:
குதிரை நிலையில் அமர்வதால் வயிற்றின் உட்தசைகள் உள்ளிழுக்கப்படுகின்றன இந்த உட்தசைகள் தன நமது வயிற்று பகுதியில் உள்ள உறுப்புகளை தாங்கி பிடிபதற்க்கு உதவுகின்றன. இந்த உட்தசைகள் உள்ளிளுக்கப்படுவதால் பயிற்சியாளருக்கு தட்டையானதாக வயிறு உருமாறுகிறது.
6) வலிமையான இடுப்புபகுதி:
குதிரை நிலையில் அமர்வதால் வயிற்று உட்தசைகள் வலிமையாகின்றன, இதனால் வயிறின் உள் உறுப்புகள் முதுகெலும்பின் முன்னால் சரியாக அமையப்பெற்று இடுப்பின் கீழ்பாகமும் பலப்படுகின்றன. இதனால் இடுப்பு தேய்மானம் மற்றும் இடுப்பு வலிகளில் இருந்தும் பயிற்சியாளர் காப்பாற்றபடுகிறார்.
7) சிறுநீரகத்தை வலிமையாக்குகின்றது:
வலிமையான இடுப்புபகுதி இருப்பதால் சிறுநீரகத்திற்கும் அதனை சுற்றியுள்ள நரம்புமண்டலதிற்கும் அழுத்தம் வராமல் பாதுகாக்கின்றது. இதனால் சிறுநீரகம் அதன் வேலையை செம்மையாக செய்ய முடிகிறது.
இதுவே வலிமையான இடுப்பு மற்றும் இயக்குநீர்களை சுரப்பிகளை சரிவர வேலை செய்ய வைக்கிறது.
8) மேம்படுத்தப்பட்ட இயக்குநீர் செயல்பாடு:
இந்த குதிரை நிலை உடலின் முக்கிய இயக்குநீர் சுரப்பிகலான அட்ரினல், தய்ராயிட், மற்றும் பாலியல் சுரப்பிகளை சரிவர இயங்கவைக்கிறது. இதனால் ஒருவர் மிகுந்த ப்ராணசக்தியுடனும், வலிமையான முடி மற்றும் ஆரோக்கியமான தோல், நகம் போன்றவற்றிற்கு சொந்தகாரர் ஆகிறார்.
9) இளமையாக இருக்க வைக்கிறது:
இந்த நிலையில் அமர்வதால் முழு உடம்பும் சீர் செய்யப்படுகிறது இதனால் பயிற்சியாளர் இளமைத்துடிப்புடன், சூடான ரத்தம் உடையவராகவும் இருப்பார்.
10) இருக்கை தேவையில்லை:
இந்த குதிரை நிலையை பயிற்சி செய்வதால் என்றும் இருக்கையை தேடி அலையை தேவை இல்லை.
(தொடரும்)
