கறுப்பு பணம்

மனிதம் மிகுதியாய்
இருந்த மட்டும்
உயிரோடிருந்தது
பண்ட மாற்றம்
உதவிக்கு வந்தது
பணத்திற்கு மாற்றம்
விட்டு வைத்ததோ
பிணத்தை மட்டும்

பொருள் ஒரு ஆதாரமாய்
இருந்த நாளில்
மனிதன் என்றும் விழுந்ததில்லை
அடுத்தவன் காலில்
பொருளே ஆதாரமாய்
மாறிய போதில்
மனிதன் அடிமையாய் விழுத்திவிட்டான்
எண் எழுதிய தாளில்

ஓடும் நீருக்கு
உயிரோட்டம் அதிகம்
தேங்கிய நீரினில்
நோய்கள் பரவும்

நீருக்கு மட்டும் இல்லை
இந்த தேங்கும் விதி
பணத்திற்கும் உள்ளதடா
சீக்கிரம் முழி

பதுக்கிய தங்கமும்
நிறத்தினில் மங்கும்
பதுக்கிய பணமோ
மதிப்பினில் மங்கும்

அளவுக்கு மீறினால்
அமிர்தமும் நஞ்சு
பணம் மிகுதியாய் இருந்திட
உறங்குமா நெஞ்சு

யாருக்கு சேர்கிறாய்
இத்தனை பணம்
உழைப்பின்றி ஊனமாய்
மாறுதடா உங்க சனம்

உட்கார்ந்து சாப்பிடும் 
உந்தன் சந்ததி
என்று சேர்கிறாய்
திருட்டு வலி
சேர்த்த பணமெல்லாம்
செக்கு செக்காய்
செலவழிக்க பிறக்குமடா
உந்தன் வழி

தனக்கு மிஞ்சியதை
தானதர்மம் என்று 
மீண்டு வந்திடு
தமிழனாய் இன்று

ஜனநாயகம்

மக்களுக்கு அரசு
மக்களுக்காய் அரசு
மக்களால் அரசு
என்று வசனஙகள்
எழுதிய வார்ப்புகளும்

பேச்சோடு இருக்குது இங்கே
பேசிய வேடிக்கை மனிதர் 
எங்கே?

என் மக்களுக்கு அரசு
என் மக்களுக்காய் அரசு
என் மக்களால் அரசு
என்று கூசாமல் 
சுருட்டியத்தின் கோப்புகளும் 

மூச்சடக்கி உறங்குது இங்கே
விசாரிக்கும் நடுவர் எங்கே?

துளையிட்டு திருடுமாம்
திருடர் கூட்டம்
வருடும் காற்றையும் திருடுவார்
இந்த கூட்டம்
தட்டி கேட்பவர் மாயமாய்
மாறும் மட்டும்
தட்டி கேட்டிட இருக்குது 
ஆயிரம் சட்டம்

ஏன் என்று கேக்க நாதியில்லை
கேட்டுவிட்டு வாழ்ந்தவர் சுவடுமில்லை 

ஜனம் தான் நாயகர்கள்
என்று உரைத்தவர்கெல்லாம்
ஜனமே நாயகர்களாய் இன்றும்
சவ ஊர்வலத்தில்.

ஞானத்தேடல்

தன்னை  தேடி 
ஒரு  நீண்ட  பயணம்
தொலைவெல்லாம்  தேடி  
தோர்த்த நயனம்
தூங்காத  இரவுகளும்
தேடி  திரிந்த  நினைவுகளும்
காற்றோடு  தேய்ந்து  போக
விழிப்புணர்வோடு  ஒரு  உறக்கம்
உட்புறமாய்  ஒரு  தொடக்கம்

எனக்குள்லேயே நான் !
காணாமல்  போனேன் !
உணர்வற்று போக
எல்லாமும்  நான் !!!
தேடியதன்  வாசல்
தெளிவாக ,
மொத்த  தேடலின் 
உணவாக ,
நகராமல்  நா...
வாயடைத்து போனேன் .