உன் நிழற்படம் தேடுகிறேன்
என் கனவிலும் தேடுகிறேன்
நீ வீசிய வார்த்தைகள்
என் கருவிழி கழுவி ஓடியதால்!
நாம் சந்தித்த நினைவுகள்
என் உயிரை உருவி தாவியதால்!
நம்மோடு நடந்த தென்றல்
உன் ஓர பார்வை கண்டு
என் காதோரம் சொன்னதுண்டு
உன் "அவள்" பார்க்கிறாள் என்று!
மனதோடு சின்ன பாரம்
நீங்காது இருந்த நேரம்
ஆறான கண்கள் அன்று
உன் நிழற்படம் தேடுதின்று.
உள் ஓரம் ஊறுகின்ற
ஓங்காரம் பாடுகின்ற
நெஞ்சோர நினைவுகளுக்கு
ஓயாமல் சொல்வதுண்டு
"நீ என் நினைவில் இல்லை" என்று.
கருத்துகள் இல்லை:
கருத்துரையிடுக